La Llei 1/98 de 23 de marzu, d'usu ya promoción del asturianu, que forma parte del nuesu Estatutu d'Autonomía, diz de la toponimia nel sou artículu 15 lo que vien darréu, ya cito testualmente:
Artículu 15.-Topónimos
Los topónimos de la Comunidá Autónoma del Principáu d'Asturias han tener el nome oficial na sou forma tradicional.
D'alcuerdu colos procedimientos que se determinen reglamentariamente, correspuende al Conseyu de Gobiernu, col dictame previu de la Xunta de Toponimia del Principáu d'Asturies ya ensin prexuiciu de las competencias conceyeras ya estatales, determinar los topónimos de la Comunidá Autónoma.
Nel 2004 constitúise la Xunta Asesora de Toponimia ya celébrase la sou primer sesión de trabayu en mayu d'esi añu. D'entós p'acá protagoniza, xunto colos distintos conceyos d'Asturias, un llabor hestóricu al cumplir l'oxetivu de convertir n'oficiales, depués d'un trabayu de campu bien documentáu nos testimonios de los habitantes de los distintos pueblos asturianos, los topónimos tradicionales ya auténticos d'Asturias:
