MIDIDAS D'ATENCIÓN YA PREVENCIÓN A PERSONAS MAYORES YA/OU VULNERABLES DEL CONCEYU CANDAMU

 Empobináu a personas que viven solas ou acompañadas d'outras personas mayores (pareya, hermanos/as, etc.) ya que nun tienen familia ou que los sous familiares nun puen dir al domiciliu (porque viven lloñe), asina como aquellas personas con discapacidá que nun tienen sofitu informal, puen solicitar estos SERVICIOS DE PROXIMIDÁ del Programa ´Rompiendo Distancias´ de Candamu:

Estratexas:

1.- Serviciu a domiciliu de pidimientos d'alimentos, productos de primer necesidá ya medicinas. Va apurrilo'l personal del Programa "Rompiendo Distancias", del Conceyu Candamu ya/ou de la empresa contratada pal Serviciu d'Ayuda a Domiciliu (denomáu dende agora SAD), colas mididas de precaución ya prevención qu'afitan los protocolos de las autoridaes autonómicas ya estatales dictaos pa ello. Teléfonu pa solicitar el serviciu: 985 828 056 / 678 763 859.

 2.- Serviciu de Comida a Domiciliu, pue pidise la xinta ya la cena (8,25 ¿ por persona) ya xinta ou cena (4,90 ¿ ya 4,75 ¿ respectivamente, por persona por cada modalidá). Va apurrilo esclusivamente'l personal de la Empresa del serviciu de Catering, colas mididas de precaución ya prevención qu'afitan los protocolos de las autoridaes autonómicas ya estatales dictaos pa ello. La sou tramitación va faese por vía d'urxencia acordies col procedimientu alministrativu. Teléfonos pa solicitar el serviciu: 985 828 056/ 678 763 859.

 3.- Serviciu d'atención ou sofitu emocional, con medios telemáticos (teléfonu, whatsapp, etc.) feichu pol personal de Rompiendo Distancias ya del SAD a personas que se detectó que viven solas ya seyan vulnerables. Pue informase ou derivar a outros recursos más específicos.

4.- Serviciu d'información sobro recomendaciones pa las personas mayores, familiares ya vecinos que va apurrir el Programa "Rompiendo Distancias" ya los Servicios Sociales, como:

• Las personas permanecerán nas sous casas el tiempu afitáu polas autoridaes autonómicas ya estatales. 
• Encamiéntase que los familiares que nun convivan colas personas mayores na mesma casa ya nun tengan que faer llabores d'atención personal, nun entren na mesma. 
• Los familiares ou personas/vecin@s que nun convivan colas personas mayores van procurar depositar los alimentos, medicinas ya productos na entrada la casa, calteniendo la distancia de seguranza (1 metru ya mediu a 2 metros). En tou casu, encamiéntase a la persona mayor que nun amasuñe los cuartos hasta pasaos 4 ou 5 días, a nun ser que se desinfecte. 

5.- Protocolu de siguimientu telefónicu periódicu a tolas personas detectadas como vulnerables polos Servicios Sociales:

• A personas usuarias del Serviciu d'Ayuda a Domicilio, failu'l personal propiu del SAD.
• A personas que reciben el Salariu Social Básicu, failu la Educadora Social ya la Trabayadora Social.
• A personas usuarias de outras prestaciones sociales, failu la Trabayadora Social, ya pue derivase al restu'l personal de los Servicios Sociales.
• A personas usuarias del Programa Rompiendo Distancias, la Técnica del Programa.