POLITICA DE PRIVACIDÁ

1. Introducción

El Conceyu Candamu trata los datos personales recoyíos al traviés del sou portal d'internet, www.candamo.es como responsable del tratamientu, acordies colo dispuesto nel - Reglamentu (XE) 2016/679 - Reglamentu Xeneral de Protección de Datos (RXPD) -  ya na Llei Orgánica 3/2018, del 5 d'avientu, de Protección de Datos Personales ya garantía de los derechos dixitales, garantizando'l derechu fundamental a la protección de datos de las personas usuarias de los servicios del conceyu ufiertaos por esti canal de comunicación.

La persona usuaria habrá lleer con atención esta Política de Privacidá que foi redactada de forma clara ya cenciella col oxetivu de facilitar la so compresión, pudiendo asina determinar llibre ya voluntariamente si desea apurrir los sous datos personales. Esta Política de Privacidá va poder actualizala'l Conceyu cuando se faigan nuevos tratamientos de los sous datos personales ou esistan modificaciones llexislativas.

El Conceyu designó a un Delegáu de Protección de Datos Personales, con dirección de contactu nel email: dpd.ayuntamientos@i-cast.es ou na sede lletrónica en https://sedecandamo.i-cast.es ou nes señes postales en Barriu El Campu, 27 - 33829 - GRULLOS - CANDAMU p'aclarar cualquier dulda relativa al tratamientu de los sous datos personales ou ampliar la información.

2. Responsable del tratamientu

El responsable del tratamientu de los datos trataos nesti sitiu web yá'l Conceyu Candamu con NIF: P3301000J, domiciliu en Barriu El Campu, 27 - 33829 - GRULLOS - CANDAMU ya teléfonu 985 82 80 56.

3. Tratamientu de los datos personales

El Conceyu Candamu atropa datos de calter personal pa poder acceder ya apurrir dalgunos de los servicios ufiertaos al traviés d'esti sitiu web. Dalgunos d'estos datos apúrrelos directamente, por exemplu, cuando cumplimenta un formulariu de solicitú ya outros obtiénense indirectamente con tecnoloxía como yá'l casu de las cookies.

Siempre que se recueyan datos al traviés d'un formulariu (online ou en formatu descargable) ou outras canales de comunicación afitadas nel sitiu web, va informase a la persona afectada según lo afitao na vixente normativa de protección de datos.

Los medios utilizaos pol Conceyu pa la recoyida ya posterior tratamientu de datos personales son:

• Formularios: Al traviés de formularios, el Conceyu atropa datos de calter personal p'acceder ya ufierta-y los distintos servicios disponibles neste sitiu web. La información sobre'l tratamientu que realiza'l responsable de los datos personales que recueye va entregase nel propiu formulario.

• Correos lletrónicos: Las señas de corréu lletrónicu afitadas nel sitiu web del Conceyu van considerase como posibles medios pa la recoyida de datos personales. La información sobre'l tratamientu que fai'l responsable de los datos personales que recueye al traviés del corréu lletrónicu ta disponible en: Deber información correos lletrónicos
• Cookies: El Conceyu pue utilizar cookies técnicas (pequeños ficheros d'información que'l servidor unvia al ordenador del que accede a la páxina) pa llevar a cau determinadas funciones que se consideran imprescindibles pal correctu funcionamientu y visualización d'esti sitiu web. La información sobre'l tratamientu que fai'l responsable de los datos personales que recueye al traviés del corréu lletrónicu ta disponible en: Política de Cookies. <enllaz Anexu III> ou Política de Privacidá Enllaz Anexu IV.

Los datos solicitaos nos formularios ou solicitúes disponibles nel sitiu web son, con calter xeneral, obligatorios (indícase con un asteriscu en caún de los campos a rellenar) pa cumplir colas finalidaes afitadas. Si desea utilizar outros medios pal unviu de datos al Conceyu la persona usuaria habrá apurrir únicamente la información que sea necesaria en cada casu.

Nesti sentíu, la persona usuaria va arrecostinar colas posibles responsabilidaes derivadas de los datos escesivos o non afayadizos que, voluntariamente, decida apurrir al Conceyu al traviés de los medios de recoyida de datos afitaos. Amás, responsabilízase de la veracidá ya exactitú de los datos personales apurríos. Nel supuestu de producise dalguna modificación nos datos de la persona usuaria, los cambios habrán comunicase al Conceyu col envís de caltenelos actualizaos.

La tipoloxía de datos personales trataos ye, con calter xeneral, identificativa como: nome, apellíos, NIF, robla, dirección, teléfonu ya corréu lletrónicu, ensin perxuiciu de que nos documentos apurríos puedan incorporase otros apurríos pol interesáu. Amás, al restolar nel nuesu web trátanse los datos como la dirección d'internet dende la que salió l'enllaz que dirixe al nuesu Sitiu Web.

Los datos personales nun se van comunicar a terceros a nun ser por obligación llegal. Nun tán previstas tresferencias de datos fuera del espaciu de la Xunión Europea.

El Conceyu conservará los datos personales mentes dure la finalidá pa la que se recueyen ou pa dar respuesta al procedimientu solicitáu incluyendo la interposición de reclamaciones ou recursu; amás va poder incorporalos al archivu según la política de xestión documental del conceyu.

4. Llimitaciones nel tratamientu

El Conceyu nun autoriza a los menores de 14 años a apurrir los sous datos personales al traviés de los medios habilitaos nesti sitiu web (cumplimentación de los formularios web habilitaos pa la solicitú de servicios, de contactu ou pol unviu de correos lletrónicos), ensin perxuiciu d'outra normativa aplicable. Polo tanto, las personas que faciliten datos personales utilizando estos medios manifiestan formalmente ser mayores de 14 años, quedando'l Conceyu llibre de cualaquier responsabilidá pol incumplimientu d'esti requisitu.

Naquellos casos nos que los servicios ufiertaos pol Conceyu tean destinados a menores de 14 años van apurrise los medios pa recoyer l'autorización de los pas ou tutores llegales del/la menor, previa identificación.

5. Información na recoyida de datos

Nun tán previstas comunicaciones de datos a terceros nin tresferencias a terceros países ou organizaciones internacionales, a nun ser pal cumplimientu d'una obligación llegal ou a pidimientu d'un organismu públicu ou polos xulgaos ou tribunales.

6. Plazu de conservación

El Conceyu conserva los sous datos personales el tiempu imprescindible ya necesariu por cada finalidá del tratamientu, ensin perxuiciu de que pueda retirar el consentimientu en cualquier momentu. El plazu de conservación, xeneralmente, va venir dau pol cumplimientu d'una obligación llegal que pueda dase en caún de los tratamientos ou pal exerciciu de posibles reclamaciones por parte de las personas usuarias.

7. Mididas de seguranza

El Conceyu adopta las mididas de seguranza afayadizas d'acuerdu colo previsto na normativa vixente de protección de datos col envís de garantizar el derechu fundamental a la protección de datos de las personas usuarias d'esti sitiu web, adoptando pa ello las mididas técnicas ya organizativas necesarias pa torgar la perda, mal usu, alteración, acceso non autorizáu ya robu de los datos personales facilitaos, teniendo en cuenta l'estáu de la tecnoloxía, la naturaleza de los datos ya los riesgos a los que tán espuestos.

8. Rexistru d'Actividaes de Tratamientu

La rellación actualizada de las actividaes de tratamientu que'l Conceyu Candamu lleva alantre ta disponible nel Portal de Tresparencia nel apartáu de Protección de Datos - Rexistru d'Actividaes de Tratamientu.

9. Derechos

Los derechos de las personas afectadas son:

• Obtener confirmación sobre si'l Conceyu ta tratando los sous datos personales.
• Acceder a los sous datos personales, asina como a solicitar la rectificación de los datos inexactos ou, nel sou casu, solicitar la supresión cuando, ente outros motivos, los datos yá nun seyan necesarios pa lo que fonon recoyíos.
• Solicitar en dellas circunstancias:

• La llimitación del tratamientu de los sous datos, que nesti casu solo va conservalos el Conceyu pal exerciciu ou la defensa de reclamaciones.
• La oposición al tratamientu de los sous datos, que nesti casu'l Conceyu va dexar de tratar los datos, a nun ser por motivos llexítimos imperiosos, ou nel exerciciu ou la defensa de posibles reclamaciones. Incluyíu'l tratamientu de los sous datos pa decisiones individuales automatizadas.
• La portabilidá de los datos pa que seyan facilitaos a la persona afectada ou tresmitíos a outru responsable, nun formatu estructuráu, d'usu común ya llectura mecánica.

Asina mesmo, cuando'l tratamientu de los datos tea basáu nel consentimientu tien derechu a retiralu nos términos ya condiciones afitaos na vixente normativa de protección de datos.

Las personas afectadas van poder exercer los derechos énte'l Conceyu Candamu Barriu El Campu, 27 - 33829 - GRULLOS - CANDAMU, indicando nel asuntu: Ref. Protección de Datos ou al traviés de la dirección de corréu: dpd.ayuntamientos@i-cast.es

En casu que sienta vulneraos los sous derechos no que cinca a la protección de los sous datos personales, especialmente cuando nun obtuviera satisfacción nel exerciciu de los sous derechos, pue presentar una reclamación énte l'Autoridá de Control en materia de Protección de Datos competente, l'Axencia Española de Protección de Datos - Dirección: C/ Jorge Juan, 6. 28001 MADRID (Madrid) . Sede lletrónica: sedeagpd.gob.es. Sicasí, con calter previu ya potestativu va poder presentar reclamación énte'l Delegáu de Protección de Datos del Conceyu: dpd.ayuntamientos@i-cast.es.

Data d'espublizamientu: 2 de xunetu del 2020