Desarrollu local - ayto-candamo
Axencia de Desarrollu Local
L'Axencia de Desarrollu Local de Candamu configúrase como un instrumentu de promoción económica ya social que tien como obxetivos el desarrollu económicu ya la creación d'empléu.
L'Axencia de Desarrollu Local de Candamu configúrase como un instrumentu de promoción económica ya social que tien como obxetivos el desarrollu económicu ya la creación d'empléu. L'Axencia de Desarrollu intenta con tolos medios al sou alcance que cualesquier idea ou iniciativa de la población local pueda ser puesta en práctica con facilidá, ello yá, informa, asesora ya acompaña a quien tenga intención de desarrollar una empresa, asociación, actividá ou actuación de cualesquier tipu dientro del conceyu, indicándo-ys las sous posibilidades d'éxitu, fontes de financiación, trámites ya cualesquier outra cuestión que resulte d'interés pa los promotores de la iniciativa.
Funciones
- Información a las empresas de los instrumentos de promoción económica ya fomentu de la competitividá empresarial disponibles, así como facilitar el sou acceso a los mesmos.
- Promover la cultura emprendedora fomentando iniciativas empresariales ya apoyando nuevos proyectos d'autoempléu individual ou colectivu informando de las medidas d'apoyu existentes ya poniendo en relación emprendedores ya recursos.
- Comunicar a empresas ya emprendedores las subvenciones pa la formación ya l'empléu, así como facilitar l'accesu de las mesmas.
- Facilitar la inserción llaboral de los demandantes d'empléu, n'especial de los participantes en políticas activas d'empléu, identificando las necesidades de personal de las empresas a curtiu ya mediu plazu ya proponiendo acciones de meyora de la empleabilidá de la población desempleada.
- Collaborar cola Alministración del Principáu d'Asturias nas políticas de promoción económica ya empléu que se-y encomienden.
