CDTL Candamu

El día 14 de noviembre de 2002 abríu las sous puertas al públicu'l Telecentru de Candamu con sede en Palaciu Valdés Bazán de San Román. Dende 2008 CENTRU de DINAMIZACIÓN TECNOLÓXICA LOCAL (CDTL).

L'horariu establecíu d'atención al públicu yá: de 14:00 a  20:30 horas llunes ya miércoles;

de 15:00 a 20:30 horas martes, xueves ya vienres.

Contactu:

• Teléfonu: 985 82 97 02
• Mail: candamo@cdtls.es

En CDTL pueden faese tanto trámites personales como asistir a talleres ya charlas sobre temas relacionaos coas nuevas tecnoloxías.

-Iniciación a la Informática ya Internet

-Corréu Electrónicu

-Word (realización de trabayos)

-Taller de Busca d'Empléu (webs d'interés, curriculum, carta de presentación..)

-PowerPoint (Presentaciones)

-MovieMaker (Elaboración de vídeos)

-Retoque de fotografías (arreglar fotos deterioradas, aprender técnicas de composición, etc)

-Publisher (diseñu de tarxetas, postales, calandarios, etc.)

-Almacenamientu na Nube

-Informática Infantil (adaptada a las personas de menor edá), etc

Las personas que quieran facese socias solo necesitan cumplimentar una ficha colos sous datos ya'l compromisu de cumplir las normas establecidas.

Normas de Funcionamientu del CDTL

1. Anque los Centros de Dinamización Tecnolóxica Local (CDTL) tán destinaos esencialmente a personas mayores de 16 años, los menores de dicha edá que quieran acceder al mesmu, nun van poder facelo nell horariu escolar.

2. Hai que rellenar una ficha d'inscripción debidamente cumplimentada ya recoyer el carné cuando tea preparáu.

3. En CDTL hai personas trabayando; hai que respetar a los demás ya guardar silenciu.

4. Nun ta permitío fumar, comer, nin consumir bebidas.

5. Yá necesario mantener la llimpieza del centru. Hai qu'usar las papeleras.

6. Ta terminantemente prohibío acceder a páxinas web con conteníos pornográficos ou terroristas. Esto supondrá, pa la persona que lo incumpla, la retirada de carné ya la consiguiente espulsión definitiva del CDTL.

7. Está terminantemente prohibío baxar software. Cuando se requiera obtener un programa ou aplicación debe solicitase autorización a los responsables del CDTL. L'incumplimientu d'esta norma supón la retirada de carné ya la consecuente espulsión del centru de forma definitiva.

8. Ta prohibida la instalación de cualquier programa. En casu de requerir la utilización d'aplicaciones informáticas diferentes a las instaladas, debe solicitase previamente a los responsables del CDTL.

9. L'usu indebíu de los equipos ya las modificaciones na configuración supondrán la espulsión inmediata ya definitiva del CDTL.

10. Existen prioridades d'utilización pa los equipos, previa presentación de la ficha de solicitú existente.

Los usos prioritarios son:

• Proyectos de teletrabayu, formación ya teleformación
• Busca d'empléu / orientación profesional
• Realización de trabayos ya actividades académicas
• Autoaprendizaxe

Si se detectara un usu diferente al acordáu na reserva supondrá la perda de la prioridá, así como l'anulación inmediata del equipu.

11. Ta restrinxíu l'usu de los ordenadores del CDTL pa xugar.

Normas Específicas

12. El tiempu máximu d'utilización de los equipos yá de 2 horas (según ocupación).

13. La utilización de la impresora va ser supervisada pol técnicu del CDTL previa solicitú de permisu. Queda restrinxida la realización de copias a color, a tareas profesionales (curriculum, trabayos, etc.) ya'l sou coste va ser el doble.

14. Los usuarios DEBEN ABONAR LAS COPIAS D'IMPRESIÓN A 7 céntimos. 0.07 ¿

15. Establezse un sistema de cita previa pa usos diferentes a los anteriormente mencionaos.

16. Supervisión del responsable pa la utilización de discos

17. Llimitación d'usos relacionaos con ociu (duración máxima 1 hora, según ocupación).

18. Na realización de talleres formativos, el CDTL va permanecer zarráu al restu del públicu, exceptu naquellos nos que quede dalgún equipu llibre.

19. Por respetu a los demás, yá recomendable nun usar el teléfonu móvil dende'l CDTL pa falar (yá mui cenciello faelo fuera de sala). Nun yá necesario apagalu pero yá recomendable que se ponga en modu silenciosu ou una baxada de volume.