Esti palaciu foi construíu nel sieglu XVII ya pertenecéu a Antonio Valdés Bazán, Ministru de Marina ya amigu personal de Xovellanos.

Yá una obra arquitectónica de gran interés pa la proliferación d'arcadas que presenta nas dous plantas ya que recuerdan a las loxas italianas ya a la fachada norte del palacio de Camposagráu n'Avilés. Pola contra, la fachada principal yá sobria de llinias ya llimita la decoración a dous escudos con cierta riqueza descriptiva. Na actualidá, el Palaciu ta siendo utilizáu como Centru d'Interpretación del Arte Rupestre, Biblioteca Pública Municipal pa neños, Biblioteca Pública Municipal p'adultos, Sala d'Esposiciones, Sala de xuntanzas ya CDTL (Telecentru).

La visita al Palaciu resulta d'interés por dellas razones:

·         Sirve de toma de contactu con un períodu, el Paleolíticu, que xeneralmente, ta mal conocíu fuera de los ámbitos de la investigación académica.

·         Las esplicaciones realizadas nel Centro abarcan varios aspectos:

o    Oríxenes de la investigación del períodu paleolíticu n'Asturias.

o    Distribución xeográfica de las cuevas con arte ya cronoloxía xeneral.

o    Nociones básicas sobre tipu d'hábitat, formas de vida, clima, instrumental paleolíticu (materias primas, manexu, finalidá), etc.

o    Técnicas de representación (grabáu ya pintura).

o    Iconografía del arte paleolíticu: diversidá de la fauna representada ya'l sou significáu económicu (grupos cazadores-recolectores), etc.

o    Corrientes d'interpretación d'esti arte.

El Centru amuesa, gracias a reproducciones volumétricas a escala, los principales conxuntos de pinturas ya grabaos paleolíticos existentes na Cueva de la Peña ya ta destináu a una meyor comprensión, conocimiento ya difusión del Arte Paleolíticu Asturianu. Dende'l mes de xuniu de 2001 cuntamos con una ampliación de conteníos:

·         Maqueta de la cuenca Media del Nalón con ubicación de cuevas ya xacimientos.

·         Reproducción del Camarín de la Caverna de Candamu.

·         Reproducción del nichu de la Cueva de la Lluera.

·         Reproducciones fotográficas de las cuevas de la comarca (La Lluera I, La Lluera II, Cueva del Conde, Los Torneiros, Abrigu de Santu Adrianu).

HORARIOS YA PRECIOS

El Palaciu ta abiertu tol añu, menos el mes d'outubre ya los llunes, n'horariu de 10:00 h. a 14:00 h. Horariu d'hibiernu: de miércoles a domingu, de 10:00h. a 14:00 h. El coste de la entrada yá de 2 euros pa mayores de 16 años ya 1 euru hasta 16 años. Grupos escolares de 15 ou más componentes hasta16 años: 0,60 euros/persona. Outros grupos de 15 ou más componentes mayores de 16 años: 1,50 euros/persona. Los miércoles la entrada yá gratuita.

Teléfonu ya Fax:

985 82 97 02

Telf. Casa Conceyu:

985 82 80 56

SALA D'ESPOSICIONES:

Tien disponible la Solicitú d'esposición na SALA D'ESPOSICIONES en formatu imprimible, por si desea faénosla llegar personalmente, ou por corréu electrónicu a la siguiente dirección: adl@ayto-candamo.es

Solicitú d'esposición na SALA D'ESPOSICIONES