El Conceyu de Candamu facilita la inscripción de Xuntanzas Civiles.

Requisitos de las inscripciones.

Las inscripciones van faese a instancia conxunta cola voluntá ya mutuu conocimientu de los dous miembros de la xuntanza non matrimonial, que tienen qu'acreitar el cumplimientu de los siguientes requisitos:

1. Ser mayores d'edá ou menores emancipaos.
2. Tar empadronaos al menos unu de los miembros de la pareya nel Conceyu Candamu con una antelación mínima de seis meses.
3. Nun tar incapacitáu xudicialmente.
4. Nun tener rellación de parentescu, por consanguinidá ou adopción
5. Nun tar suxetu a venceyu matrimonial ou formar pareya estable con outra persona.
6. Nun tar afectáu por deficiencias ou anomalías psíquicas. Nesti casu va tener qu'aportar dictame médicu de la sou aptitú pa consentir na constitución d'una xuntanza de convivencia non matrimonial.
7. Nun tar suxetu a orde d'espulsión.
8. Mantener convivencia de pareya por un períodu ininterrumpido mínimu d'un añu ou tener descendencia común.
9. Al oxetu de l'actualización afayadiza del Rexistru, las inscripciones van tener una validez de dous años, ya puen anovase enantes del vencimientu d'esi plazu por instancia ou comparecencia conxunta de los dous miembros, na que se faiga constar el mantenimientu de los requisitos ya existencia de la xuntanza non matrimonial.

Formalización ya documentación:

Las inscripciones van practicase a instancia conxunta de los miembros de la xuntanza non matrimonial ya va tener qu'acompañase de la siguiente documentación:

• Fotocopia del DNI, pasaporte ou documentu acreditativu de la identidá de la pareya.
• Certificáu d'empadronamientu rellativu, al menos a unu de los miembros de la pareya.
• Certificáu de nacencia de dambos miembros de la pareya.
• Acreitación del estáu civil de los componentes de la pareya, gracias a certificación del Rexistru Civil.
• Declaración xurada, de dambos miembros de la pareya, de nun tener constituyida pareya de fechu con outra persona ou vínculu matrimonial.
• Declaración xurada, de dambos miembros de la pareya, de que nun esiste ente ellos parentescu por consanguinidá ou adopción.
• Declaración xurada, de dambos miembros de la pareya, de que nengún d'ellos ta afectáu por deficiencias ou anomalías psíquicas nin declaráu incapaz pa contrayer matrimoniu.
• Declaración xurada, de dambos miembros de la pareya, de la esistencia ou non d'alcuerdos ou convenios reguladores de rellaciones personales ya patrimoniales, y si desean que s'anoten nel Rexistru.
• Informe emitíu pola Policía Llocal ou outru serviciu municipal apropiáu sobre la convivencia de la pareya de fechu de polo menos un añu, ou, nel sou casu, certificáu del Rexistro Civil de nacencia del fíu común, au conste la filiación a nome de dambos miembros de la pareya.
• Documentu espedíu por Comisaría de Policía ou organismu competente de nun tener dictao orde de espulsión.
• La primer inscripción de cada pareya va producise por comparecencia personal ya conxunta de las dos personas ante'l funcionariu encargáu del Rexistru, pa declarar la existencia ente ellas d'una xuntanza de convivencia non matrimonial.