Nun yá fácil determinar l'antigüedá real de las pinturas prehestóricas, frecuentemente separadas normalmente del contestu nel que s'alcuentran los elementos cotidianos d'una población de cazadores-recolectores.

Hernández Pacheco planteóu la cuestión ya, nel estudiu del arte de la cueva, pudo observar que dalgunas de las representaciones alcontrábanse baxo una costra estalagmítica. Eso deixaba claro que las pinturas tenían una cierta antigüedá. Estudios posteriores precisanon meyor el tiempu de la sou realización. Las representaciones de Candamu paecen tar situadas cronolóxicamente nun momentu inicial del usu del interior de las cavernas como santuarios, nos que se concentran las imáxenes que representan los posibles mitos primitivos. Esto debéu ser hai unos 18.000 años, nel llamado periodu solutrense.