El Camarín yá una fornina ente dous impresionantes coladas estalagmíticas qu'abre na parte más alta del Salón de los Grabaos.

Una composición de dellas figuras amuésanos representaciones de distintos caballos a los que s'asocia la d'un toru. Destaca la figura del caballu pintada con color siena que gracias a la maestría con que los sous trazos simples fonon fechos foi considerada dende siempre como l'emblema de la Cueva de Candamu. L'alegría de los sous trazos creóu una figura n'auténticu movimientu. Superpónse a outra figura de caballu de color negru, de talla más alta ya características qu'indican que se trata d'outra especie diferente. Una cabeza de caballu pintada en coloráu alcuéntrase nel centru de las dous figuras. Na parte superior como complementu a esta composición de caballos representóuse una figura de toru incompleta tirando a colorada.